भूमिका 'आईची'

मला कशाबद्दल सांगायचंय ? मला अनुभवाबद्दल सांगायचंय. विशेषतः सध्या मी जी आईची भूमिका बजावित आहे त्याबद्दल.का सांगायचंय ? माझ्या अनेक मैत्रिणींना खरं तर मित्रांना सुद्धा मदत व्हावी म्हणून.ज्या मूल होऊ द्यावं अशा विचारात आहेत, ज्यांना मूल हवं असं वाटतं त्यांच्यासाठी. या निर्णयातले खाच-खळगे समजण्यासाठी. मी एक स्वतन्त्र व्यक्तिमत्व, विचार असणारी मुलगी आहे.
अर्हन , माझा मुलगा आता एक वर्षाचा आहे.म्हणजे आत्तापर्यंत जवळपास दोन वर्षं शारीरिक , मानसिक चढ उतार असणार्‍या काळाबद्दल , त्या अनुभवाबद्दल लिहायचंय. हे खूप अवघड काम आहे. सर्वप्रथम हे सांगते की, अर्थातच हे अनुभव व्यक्‍तिगत ,परिस्थितिजन्य आहेत.