या घडीला हलकं- हलकं.

   या घडीला हलकं- हलकं! 

तप्त धरेवर 

पावसाची पखरण.

धरेचा उच्छवास : मृदगंध,

अंतर विरघळवणारा. 

बाल्कनीत उभं राहून,

हे पाहणारी, ती.

ती : शांत, स्तब्ध. 

खाली उभं राहून तिला पाहणारा मी.

पाहतच राहिलो तिला,अशी ती. 

पाहतच राहावा असा तो : पाऊस. 

काळ्या मेघांचं आभाळ मोकळं झालं, 

पाहता -पाहता, 

पाहिलं तिला, 

वर बाल्कनीत नजर जाता,

तर ? 

तिचंही आतलं आभाळ मोकळं होत होतं, 

अश्रुरूपी ! 

मोकळी झाली आभाळं.

पाहता-पाहता. 

एक बाहेरचं: सहज दिसणारं,

दुसरं आतलं : सहज न दिसणारं !

स्वच्छ, मोकळं. 

या घडीला हलकं- हलकं.

आत आणि बाहेरही ! 

तृप्ती 

7/12/19

Goodman Arts Center