शांत अंतरंगी तरंग

तुम्ही कधी तरी पाहिलंच असेल ना ?
पाण्यावर डोकावून ?
डोकावल्यावर स्वतःच प्रतिबिंब दिसतं तें !

पण, फक्त शांत पाण्यावर!
अशांत पाण्यावर तरंग दिसतात पाण्याचे !

शांत पाण्यावर शरीराचं प्रतिबिंब तर दिसतंच,
पण त्याजवळ बसल्यावर अंतरंगहीं दिसू शकतं, मनाचं.
शांत होत जाणाऱ्या मनाचं !
..................................

संगतीचा परिणाम ?

अखंड लाटांचं तांडव करणाऱ्या समुद्राच्या संगें
मन अस्थिर, चंचल व्हायला होतं ?
तर शांत लयीत वाहणाऱ्या नदीच्या संगतीत शांत ?
.....................................

अशाच एका शांत अंतरंगी तरंग उमटला;
खरंच कित्ती अवलंबून आहोत आपण ‘आप’ ावर !
तनासाठी, मनासाठी आणि धनासाठीही ?
उगाच का ‘जीवन’ ते ?

तृप्ती
२३ मे २०२०