कालची, ती.....
संध्याकाळीं, तु दिलेली फुलें
आजही...
ताजीतवानी माझ्या मनीं,
गंध त्यांचा मंद जरीही,
आजही...
स्पर्श शहारे तनुभरी
सैल काही पाकळ्या जरीही,
आजही...
तंगबंध मनमंदिरी
मालले दीप जरीही,
आजही...
चांदण्यांचे रंग उरीं
मकरंद ओसरला जरीही,
आजही...
अंश मंजिरीच्या अंतरीं
सरली ती भेट जरीही,
आजही...
संग सांगती आठवणी
कालची, ती.....
संध्याकाळीं, तु दिलेली फुलें,
आजही...
ताजीतवानी माझ्या मनीं!
- तृप्ती
कोणत्याही टिप्पण्या नाहीत:
टिप्पणी पोस्ट करा