का पडते अंतर ?

कधी काळचे सहप्रवासी आपण,
का पडले अंतर ?
का पडते अंतर ?

जाहल्या वाटा निराळ्या,
गती अंतर, थांबे अंतर,
मार्ग अंतर, गंतव्य अंतर ?

मन माझे मानेना
सलते “अंतर”
का पडले अंतर?

अट्टाहास सहचालीचा
सल, कलकल, कोलाहल “अंतर”
का धडपड मिटविण्या अंतर ?
.................

वास्तव अंतर ?
स्वप्न अंतर ?
निसर्गनियम अंतर ?
..................

स्वीकार अंतर,
विविधतेतील सौन्दर्य अंतर,
केवल बाह्य अंतर,

अंतर नसते “अंतर”,
अंतर नव्हते “अंतर”,
अंतर नसेल “अंतर” !

स्वीकार अंतर!
विविधतेतील सौन्दर्य अंतर!

- तृप्ती 🌈
३० जानेवारी २०२०